ຖ້າຫາກໃຫ້ປຽບຄວາມຮັກ ກັບ ປາກກາ ແລະ ສໍໄມ້ ຈະເລືອກອັນໃດດີນໍໍ ?

ເວລາຈະຂຽນ... ເຮົາກໍ່ຈັບປາກກາຂຶ້ນມາ ໄຂຝາອອກ ແລ້ວກໍ່ຂຽນໂລດ ..... ພໍຂຽນໄປໄດ້ໄລຍະໜຶ່ງ ນ້ຳມຶກໃນປາກການັ້ນກໍ່ໝົດໄປ....ຕ້ອງໄດ້ເຕີມມຶກໃໝ່ມັນຈຶ່ງຈະໃຊ້ໄດ້ອີກຄັ້ງ

ຄວາມຮັກທີ່ເໝືອນປາກກາກໍ່ແມ່ນຄວາມຮັກທີ່ງ່າຍໆ ສະບາຍໆ ບໍ່ຈຳເປັນຕ້ອງໃສ່ໃຈດູແລຫຍັງຫຼາຍ ກໍ່ສາມາດມີຄວາມຮັກທີ່ງົດງາມໄດ້......ເມື່ອຮັກຄັ້ງນີ້ໝົດໄປ ກໍ່ພຽງແຕ່ໃຊ້ເວລາຢູ່ກັບໂຕເອງໄລຍະໜຶ່ງ ແລະກໍ່ສາມາດເປີດໃຈຮັບເອົາຮັກຄັ້ງໃຫມ່ໄດ້ຢ່າງສົມບູນຄືກັບປາກກາທີ່ພ້ອມໃຊ້ງານສະເຫມີ...


ແຕ່ຖ້າເປັນສໍໄມ້ ....ກ່ອນທີ່ເຮົາຈະໃຊ້ງານ...ຕ້ອງໄດ້ເຫຼົາມັນໃຫ້ແຫຼມສາກ່ອນ..... ເຖິງເຮົາຈະໃຊ້ງານມັນຫຼາຍເທົ່າໃດກໍ່ຕາມ... ແຕ່ເຮົາກໍ່ບໍ່ສາມາດຂຽນມັນຈົນໝົດກ້້ານໄດ້... ຢ່າງໜ້ອຍມັນກໍ່ຕ້ອງຍັງຫຼົງເຫຼືອສ່ວນທີ່ເຮົາບໍ່ສາມາດເຫຼົາມັນໄດ້ອີກແລ້ວ

ຄວາມຮັກແບບສໍໄມ້ ແມ່ນຮັກທີ່ໄດ້ຮັບການເອົາໃຈໃສ່ເປັນຢ່າງດີ.... ເຖິງວ່າເຮົາຈະບໍ່ສາມາດສານຕໍ່ຄວາມຮັກຄັ້ງນີ້ໄດ້ອີກຕໍ່ໄປ ແຕ່ຄວາມຮັກກໍ່ຍັງຄົງຢູ່ໃນໃຈຂອງເຮົາຕະຫຼອດໄປ ຄືກັບສໍໄມ້ກ້ານນີ້ທີ່ບໍ່ມີທາງຖືກໃຊ້ງານຈົນໝົດ...

ແລ້ວທ່າເດຈະເລືອກປະກາແບບໃດ ???

ມີຜູ້ຍິງ 3 ແບບ ມາໃຫ້ອ່ານກັນ

ບາງຄົນອາດຈະງົງ ຫລາຍເທື່ອທີ່ຜູ້ຍິງມີທ່າທີແປກໆ ເອົາແນ່ເອົານອນບໍ່ໄດ້ ໂດຍສະເພາະແມ່ນກັບຄົນຮັກ ຍາມໃດທີ່ຮູ້ສຶກວ່າແຟນຂອງຕົນເອງປ່ຽນໄປ ກໍ່ມັກຈະຄິດນ້ອຍຄິດໃຫ່ຍ ອາດຈະມີໃຜເຂົ້າມາເຮັດໃຫ້ແຟນຕົນເອງປ່ຽນໄປແລະກໍ່ນອກໃຈ ເຊີ່ງແຕ່ລະຄົນກະມີວິທີສະແດງອອກຂອງໃຜມັນ

ແບບທີ່ 1 ...ລະເບີດອາລົມ

ຜູ້ຍິງແບບນີ້ມັກຈະຄວບຄຸມອາລົມບໍ່ຄ່ອຍໄດ້ ຈະຕ້ອງຊັກຖາມເອົາຄຳຕອບທັນທີ ບາງຄົນກະຈະຊວນຖຽງກັນ ສະແດງຄວາມບໍ່ພໍໃຈຈົນເຫັນໄດ້ເລີຍ ແລະ ຄາດຄັ້ນເອົາຄຳຕອບໃຫ້ໄດ້ ໃຫ້ມັນຮູ້ດຳຮູ້ແດງໄປເລີຍ ບາງຄົນເປັນແຮງກວ່ານີ້ ເຖິງຂັ້ນໄປລາວີບຸກຄົນທີ່ 3 ຈົນກາຍເປັນເລື່ອງໃຫ່ຍໂຕ ບາງຄົນເຖິງຂັ້ນ ຢ່າຄິດວ່າຈະໄດ້ລາວໄປງ່າຍໆ ******ບໍ່ໄດ້*********ກະຢ່າຝັນ......ແຮະ22

ແບບທີ່2....ຄິດຫລາຍ ແລະ ນ້ອຍໃຈຄົນດຽວ

ຜູ້ຍິງແບບນີ້ ຈະຄິດຫລາຍເປັນພິເສດ ອີ່ຫຍັງນ່ອຍ 1 ກະຄິດໄປໄກລະ ລະກະມີຄວາມລະແວງ ແຮ່ງຮັກກະແຮ່ງລະແວງ ແລະ ແອບນ້ອຍໃຈຄົນດຽວ ຈົນກາຍເປັນຄົນບໍ່ມີຄວາມສຸກ ແລະ ຮູ້ສຶກວ່າຕົນເອງໄຮ້ຄ່າ ບໍ່ສຳຄັນ ຫລື ອີກຝ່າຍຫມົດຮັກຕົນເອງແລ້ວ ມັກຈະບໍ່ສະແດງອອກໂດຍກົງ ແຕ່ຈະມາໃນຮູບແບບຂອງການງອນ ງຽບ ຫລົບຫນ້າຫລົບຕາ ບໍ່ຮັບໂທລະສັບ ຫລື ຂາດການຕິດຕໍ່ ແຕ່ຈະບໍ່ຕີໂພຍຕີພາຍ ບາງຄົນ ຖ້າແນ່ໃຈວ່າຄົນຮັກບໍ່ຮັກຕົນກໍ່ຈະຕັດໃຈ ແລະ ຈາກໄປແບບງຽບໆ ໂດຍບໍ່ມີຄຳລ່ຳລາ ເພາະເຫັນວ່າບໍ່ມີປະໂຫຍດທີ່ຈະເວົ້າ ໃນເມື່ອກະເຈົ້າຫມົດຮັກເຮົາແລ້ວ ຈະດຶງທ່ວງໄວ້ກະມີແຕ່ຈະເສຍໃຈໄປລ້າໆໆໆໆ

ແບບທີ່3....ເຮັດຄືບໍ່ມີຫຍັງເກີດຂື້ນ

ຜູ້ຍິງແບບນີ້ ຈະເກັບອາການໄດ້ດີ ຈົນສັງເກດບໍ່ອອກພຸນລະ ຈະບໍ່ໂວຍວາຍຕີໂພຍຕີພາຍໃນທຳອິດ ແຕ່ຈະຄອຍສັງເກດການງຽບໆ ຫ່າງໆ ບໍ່ໃຫ້ອີກຝ່າຍຮູ້ຕົວ ຖ້າພົບວ່າ ເຂົ້າໃຈຜິດກໍ່ຈະເສີຍເລີຍ ແຕ່ຖ້າພົບວ່າເຂົ້າໃຈຖືກ ກໍ່ຈະເປີດໃຈລົມກັນ ຖ້າຝ່າຍຊາຍແກ້ໂຕໄດ້ກໍ່ຈົບບໍ່ດັ່ງນັ້ນກະເລີກກັນ ເພາະຜູ້ຍິງແບບນີ້ຈະເບີ່ງວ່າ ຕົນເອງກະມີສັກສີ ໃນເມື່ອຝ່າຍຊາຍມີຄົນອື່ນແລ້ວ ກະບໍ່ຄວນເສຍເວລາ ສູ້ຫາຄົນໃຫ່ມຈະດີກວ່າ

ແຮະ222 ຮູ້ແນວນີ້ແລ້ວໃຜເປັນແບບໃດ ທ່ານຊາຍກະຄວນຈະລະວັງເອົາໄວ້ ຢ່າປ່ອຍໃຫ້ຄວາມລະແວງເຂົ້າມາໃນໃຈແຟນໆຂອງພວກເຈົ້າກະແລ້ວກັນ ຖ້າ clear ໄດ້ກະດີໄປ ບໍ່ຊັ້ນກະອາດຈະເສຍຄົນທີ່ເຈົ້າຮັກໄປກໍ່ໄດ້ ມີຫຍັງກະຄວນຈະອະທິບາຍ ໃສ່ໃຈ ປິ່ນຫນ້າເຂົ້າຫາກັນ ອີກຝ່າຍຈະໄດ້ເຂົ້າໃຈ ເພາະບາງສິ່ງທີ່ເຈົ້າບໍ່ໃສ່ໃຈ ຄິດວ່າບໍ່ສຳຄັນ ມັນອາດຈະເປັນຕົວການທຳລາຍຄວາມຮັກຂອງເຈົ້າກະໄດ້....

ດູດວງ ທຳນາຍໃຈ ທາຍນິໃສຈາກການຈັບມື

ທຳນາຍ ທາຍໃຈ ທາຍນິໃສ ໝູ່ໆ ຮູ້ບໍ່ວ່າ ເວລາທີ່ຄົນຮັກກັນເຂົາຈັບມືກັນນັ້ນ ສາມາດບອກນິໃສຈາກລັກສະນະການຈັບມືໄດ້ຄືກັນເດີ້ ຄວາມຮັກ ບາງເທື່ອກະເບິ່ງຍາກ ເດົາບໍ່ອອກ ແຕ່ຖ້າໄດ້ສຳພັດຄວາມຮັກດ້ວຍການຈັບມືກໍ່ສາມາດບອກເຮົາໄດ້ຫຼາຍຢ່າງເລຍຄືກັນ


ກຳມືແໜ້ນຫຼາຍ
ຄົນທີ່ບີບມືຂອງອີກຝ່າຍຈົນຮູ້ສິກວ່າຈັບແໜ້ນຫຼາຍນັ້ນ ບອກຖຶງນິໃສຂອງຄົນທີ່ມີພະລັງສູງແລະມີຄວາມເສື່ອໝັ້ນໃນໂຕເອງຫຼາຍ ວ່າສາມາດເຮັດວຽກທຸກຢ່າງສຳເລັດລຸລ່ວງໄດ້ ລັກສະນະຂອງການເປັນຜູ້ນຳ ແລະຄົນຈັບມືແບບນີ້ເປັນຜູ້ຊາຍ ບອກວ່າເຂົາຕ້ອງການມີອຳນາດເໜືອຄົນອື່ນ ແລະຕ້ອງການໃຫ້ຄົນອື່ນຮູ້ສຶກປະທັບໃຈໂຕເອງ ແຕ່ວ່າເປັນຄົນທີ່ຂາດອາລົມສິນລະປະ ບໍ່ມີຄວາມລະອຽດ ແລະບໍ່ໃຫ້ຄວາມສຳຄັນຕໍ່ຄົນອື່ນປານໃດ
ບີບດົນ
ນິໃສຂອງຄົນທີ່ມັກຈັບມືຜູ້ອື່ນບີບດົນນີ້ ໂດຍທົ່ວໄປແລ້ວມັກຈະເປັນຄົນເຈົ້າຊູ້ຢູ່ນ້ອຍໜຶ່ງ ມັກການມີຄວາມຮັກແລະມັກການໄດ້ຢູ່ຊິດໄກ້ ກັບຄົນທີ່ຕົນຮັກ ຕ້ອງການຄວາມຮັກຄວາມອົບອຸ່ນ ແລະຄວາມສົນໃຈຫລາຍເປັນພີເສດ ແລະມີຄວາມເປັນເພື່ອນທີ່ດີຕໍ່ຄົນທີ່ຄົບຫາ ແຕ່ຖ້າເປັນຜູ້ຊາຍ ອອກຈະເປັນຄົນຂີ້ຫຶງຫວງ ແລະຖືສິດໃນສິ່ງທີ່ຕົນເປັນເຈົ້າຂອງ.
ບີບເບົາໆ
ຄົນທີ່ເວລາຈັບມືແລ້ວບີບມືອີກຝ່າຍເບົາໆ ຄືກັບບໍ່ກ້າ ຈັບມືຂອງອີກຝ່າຍ ນິໃສໂດຍທົ່ວໄປມັກຈະເປັນຄົນທີ່ມັກໃຊ້ຊີວິດແບບງ່າຍໆ ແລະສະບາຍໆ ບໍ່ຕ້ອງເຄັ່ງຄຽດກັບຫຍັງຫລາຍ ຈະຫລີກລ້ຽງພາລະທຸກຢ່າງທີ່ຕ້ອງຮັບຜິດຊອບ ນອກຈາກນີ້ ຢັງເປັນຄົນທີ່ມີລັກສະນະ ທີ່ປ່ອຍໂຊກຊາຕາ ໃຫ້ຂື້ນຢູ່ກັບຄົນທີ່ເໜືອກວ່າ ມັກເປັນຜູ້ຕາມຫລາຍກວ່າຜູ້ນຳ ໃນດ້ານການເຮັດວຽກ ຈຶ່ງມັກຈະເປັນຜູ້ທີ່ບໍ່ປະສົບຄວາມສຳເລັດປານໃດ.
ບີບດ້ວຍນ້ຳໜັກພໍດີ
ຖ້ານ້ຳໜັກຈັງວະໃນການຈັບມືຂອງຄົນໆນັ້ນ ບໍ່ແໜ້ນບໍ່ເບົາ ແຕ່ພໍດີໆ ແລະໃນຕອນຈັບມືນັ້ນກໍ່ເບິ່ງຕາໄປນຳ ສະແດງເຖິງ ນິໃສທີ່ເປັນຄົນຈິງໃຈແລະຕົງໄປຕົງມາ ເປັນຄົນມີເຫດຜົນ ແລະໃຫ້ຄຳປຶກສາທີ່ດີແກ່ຄົນທີ່ຕ້ອງການ ເວລາເກີດເຫດການວິກິດ ຈະເປັນຄົນທີ່ສາມາດຊ່ວຍເຫລືອຄົນອື່ນໄດ້ດີ ແລະຖ້າຄົນຈັບເປັນຜູ້ຊາຍສະແດງວ່າໜຸ່ມຄົນນີ້ເປັນຄົນທີ່ໝັ້ນໃຈໃນຕົວເອງສູງ ເປັນຄົນທີ່ສາມາດເຊື່ອໃຈໄດ້.

ຈັບສອງມື

ສຳລັບຄົນທີ່ໃຊ້ມືທັງສອງມືຈັບມືຂອງອີກຝ່າຍນັ້ນ ສະແດງເຖິງນິໃສທີ່ເປັນຄົນມີມະນຸດສຳພັນດີ ມັກການຢື່ນມິດຕະພາບໃຫ້ຜູ້ອື່ນ ຈຶ່ງມີໝູ່ຫລາຍ ແລ້ວກໍ່ຍັງເປັນຄົນທີ່ກະຕືລືລົ້ນສູງ ໃຜໄດ້ຢູ່ນໍາຈະຮູ້ສຶກເຖິງຄວາມມີຊີວິດຊີວາ ແຕ່ຈະບໍ່ມັກຄວາມເປັນທາງການ ເມື່ອມັກໃຜຈະສະແດງອອກມາແບບເປີດເຜີຍ ຊື່ງຖ້າເປັນຜູ້ຊາຍທີ່ມາຈັບມືຜູ້ຍິງແບບນີ້ ສະແດງໃຫ້ຮູ້ວ່າເຂົາຕ້ອງການຄຸ້ມຄອງດູແລ ເອົາໃຈໃສ່ອີກຝ່າຍ ເປັນທ່າທີທີ່ສະແດງເຖິງຄວາມຈິງໃຈ ແຕ່ຈະເປັນຄົນອອ່ນໄຫວ.
ໃຊ້ປາຍນິ້ວສຳພັດ
ສຳລັບຄົນທີ່ໃຊ້ແຕ່ພຽງປາຍນິ້ວສຳພັດອີກຝ່າຍພໜງເບົາໆນັ້ນ ສະແດງເຖິງນິໃສທີ່ເປັນຄົນອອ່ນໄຫວງ່າຍ ມີອາລົມລະອຽດອອ່ນ ແລະຕ້ອງການຄວາມຮັກຄວາມອົບອຸ່ນສູງ ແຕ່ເປັນຄົນໃຈຄໍກວ້າງຂວາງ ມັກຈະເສຍສະຫລະເພື່ອຄົນອື່ນ ແລະໃນກໍລະນີທີ່ເປັນຜູ້ຊາຍ ສະແດງວ່າເປັນຄົນທີ່ອອ່ນແອ ບໍ່ເຊື່ອໝັ້ນໃນຕົວເອງ ຄາດຫວັງຫຍັງບໍ່ຄ່ອຍຈະໄດ້ ເກີດມາເພື່ອເປັນຜູ້ຕາມເທົ່ານັ້ນ.
ຈັບມືສັ່ນ
ຄົນທີ່ມັກຈັບມືອີກຝ່າຍສັ່ນນັ້ນ ນິໃສມັກເປັນຄົນກະຕືລືລົ້ນ ມີອາລົມດີ ສະໜຸກສະໜານ ມີນໍ້າໃຈເພື່ອແຜ່ ເຂົ້າກັບຄົນອື່ນໄດ້ງ່າຍ ຜູ້ຄົນມັກມາສະນິດສະໜົມແລະໄວ້ວາງໃຈ ເພາະຈະມີທ່າທາງເປັນຄົນເປີດເຜີຍ ອາລົມດີມີຊີວິດຊີວາ ແລະກໍ່ມີຄວາມອົດທົນສູງ ມັກຊ່ວຍເຫລືອແກ້ບັນຫາໃຫ້ຜູ້ອື່ນ ໃນກໍລະນີທີ່ເປັນຜູ້ຊາຍແລະຈັບມືກັບເພດກົງຂ້າມແນວນີ້ ສະແດງວ່າ ເຂົາເປັນຄົນທີ່ຕ້ອງການຄວາມອົບອຸ່ນບໍ່ມັກຄວາມອ້າງວ້າງ.

ບໍ່ຈັບມືເລີຍ
ສຳລັບຜູ້ທີ່ບໍ່ມັກຈັບມືໃຜເລີຍນັ້ນ ຈະມີນິໃສເປັນຄົນທີ່ບໍ່ມັກຄວາມປ່ຽນແປງ ມັກຄວາມສັນໂດດຄ້າຍໆກັບວ່າເປັນຄົນຂີ້ອາຍ ແຕ່ຈິງໆແລ້ວບໍ່ແມ່ນເລີຍ ເປັນຄົນຈິງຈັງແລະຊື່ສັດ ໄວ້ວາງໃຈຄົນງາຍ ເມື່ອຄົບຫາໃຜເປັນເພື່ອ ກໍ່ໝາຍຄວາມວ່າເປັນເພື່ອນແທ້ຫລືເພື່ອນຕາຍເລີຍກໍ່ວ່າໄດ້ ສາມາດເວົ້າລົມກັນໄດ້ທຸກເລື້ອງ ເປັນຄົນບໍ່ຄ່ອຍລະວັງຕົວປານໃດ ອາດຖືກຫລອກໄດ້ງາຍ

ຂໍ້ຫ້າມເວລາອົກຫັກຢ່າເຮັດເດັດຂາດ !!!

ຢາກໄຫ້ກໍໄຫ້ອອກໄປໂລດ: ແລ້ວປັບໂຕປັບໃຈມາເປັນຄົນໃໝ່...ພະຍາຍາມຕັ້ງໃຈຮຽນຫລືເຮັດວຽກເອົາເວລາເອົາສະຫມອງໄປຄິດສິ່ງທີ່ມີປະໂຫຍດດີກວ່າ

ຢ່າຄິດທຳຮ້າຍໂຕເອງ : ພໍ່ແມ່ລ້ຽງເຮົາມາເກຶອບຕາຍແຕ່ເປັນຫຍັງກັບຜູ້ຊາຍຫວ່ຍແຕກຜູ້ດຽວເປັນໃຜແລ້ວເຮົາຍັງບໍ່ຮູ້ເຂົາມີຄ່າພໍທີ່ຈະໃຫ້ເຮົາອຸທິດຊີວິດໃຫ້ເລີຍຫວາກັບໄປຫາພໍ່ແມ່ທີ່ຮັກເຮົາຫລາຍທີ່ສຸດ

ຢ່າປອ່ຍເນື້ອປອ່ຍໂຕ :ໃຫ້ເບິ່ງແລ້ວບໍ່ມີຄ່າ ບາງຄົນກໍໃຈຮ້າຍແລ້ວມີແຕ່ກິນກັບກິນບາງຄົນກໍໂຊມ ບາງຄົນກໍປະຊົດຊີວິດ ເຂົາເຈົ້າແຫ່ງຊິສົມນ້ຳຫນ້າເຮົາ ເຮົາຕອ້ງເຮັດໂຕເອງໃຫ້ດູດີຂຶ້ນໃຫ້ເຂົາເຈົ້າຮູ້ສຶກເສຍດາຍເຮົາດີກວ່າ

ຢ່າຢູ່ຜູ້ດຽວ:ຄວນທີ່ຈະຫາຫມູ່ມາລົມນຳ ຫລືຫາຫຍັງເຮັດຈື່ງຈະບໍ່ຄິດຫລາຍ

ຫ້າມເອົາຮູບຫລືຂອງເກົ່ງໆມາເບິ່ງ:ຢ່າເອົາຂອງຫລືສິ່ງທີ່ເປັນຄວາມຫລັງຂຶ້ນມາເບິ່ງ ເບິ່ງໄປກໍບໍ່ມີຫຍັງດີຂື້ນ

ຢ່າຄິດວ່າຊີວິດນີ້ຂາດເຂົາຜູ້ນັ້ນບໍ່ໄດ້ =: ຖ້າບໍ່ມີເຂົາຜູ້ນັ້ນແລ້ວເຮົາຈະຕາຍເພາະຕອນນັ້ນເຮົາບໍ່ມີເຂົາເຮົາກໍຍັງຢູ່ໄດ້ ດີແລ້ວທີ່ເຂົາເລີກເຮົາໄປ ຈື່ງຈະທີໂອກາດເຈິຄົນທີ່ດີກວ່ານິ ຕອ້ງມີກຳລັງໃຈຢ່າທໍ້ແທ້ ຊີວິດເຮົາຕອ້ງກ້າວໄປຂ້າງຫນ້າ ຫາໃນສິ່ງທີ່ດີກວ່າ

ຢ່າໂທລະສັບໄປງໍ້ເຂົາເດັດຂາດ :ເສຍທ່າຫມົດ ເຂົາອາດຈະອີ່ຕົນແລ້ວມາດີກັບເຮົາຄືນ ແຕ່ມັນກໍຄືຂິບໍ່ຄືເກົ່າແລ້ວ ຊິເຮັດໄປເຮັດຫຍັງ ມາແຕ່ໂຕຫົວໃຈກໍບໍ່ໄດ້ມານຳ................alt

ແຕ່ຈັ່ງໃດກະສູ້ໆເດີ້ສຳຫລັບຄົນທີ່ອົກຫັກ

10 ເຫດຜົນທີ່ເຮັດໃຫ້ຢາກບອກຮັກ

ການບອກຮັກ ເປັນຈຸດເລີ່ມຕົ້ນຂອງຄວາມຮັກ

.........................

ການບອກຮັກ ປ່ຽນຄຳວ່າເພື່ອນ ໃຫ້ກາຍເປັນແຟນ

.........................

ການບອກຮັກ ເຮັດໃຫ້ໄດ້ໃກ້ຊຶດກັນຫລາຍຂື້ນ

.........................

ການບອກຮັກ ເຮັດໃຫ້ໄດ້ມີຄຳວ່າເຮົາ ສຳຫລັບຄົນສອງຄົນ

.........................

ການບອກຮັກ ເຮັດໃຫ້ມີຄວາມຝັນຮ່ວມກັນ

.........................

ການບອກຮັກ ເຮັດໃຫ້ຂ້ອຍມີເຈົ້າຢູ່ຄຽງຂ້າງ

.........................

ການບອກຮັກ ເຮັດໃຫ້ກ້າພົບກັບຄວາມຈິງ

.........................

ການບອກຮັກ ເຮັດໃຫ້ເຮົາໄດ້ຜ່ານອຸປະສັກໄປດ້ວຍກັນ

.........................

ການບອກຮັກ ສາມາດເບີ່ງຫນ້າກັນໄດ້ໃກ້ຊຶດຂື້ນກວ່າທີ່ເຄີຍເປັນ

.........................

ການບອກຮັກ ສຸດທ້າຍ ເຮັດໃຫ້ຂ້ອຍກັບເຈົ້າມີແຕ່ຄວາມສຸກ......

10 ເຫດຜົນ ທີ່ເຮັດໃຫ້ຄົນເຮົາບໍ່ກ້າບອກຮັກ

ການບອກຮັກ ຈະເຮັດໃຫ້ເປັນຈຸດຈົບຂອງທຸກຢ່າງ

.........................

ການບອກຮັກ ອາດຈະເຮັດໃຫ້ເຮົາບໍ່ເຫຼືອແມ້ແຕ່ຄຳວ່າເພື່ອນ

.........................

ການບອກຮັກ ອາດຈະເຮັດໃຫ້ເຮົາ....ຫ່າງໄກກັນ

.........................

ການບອກຮັກ ອາດຈະເຮັດໃຫ້ເບີ່ງໜາກັນບໍ່ຕິດ

.........................

ການບອກຮັກ ອາດຈະເຮັດໃຫ້ຝັນຂອງຂ້ອຍບໍ່ມີເຈົ້າ

.........................

ການບອກຮັກ ອາດຈະເຮັດໃຫ້ຂ້ອຍອ້າງວ້າງ

.........................

ການບອກຮັກ ອາດຈະເຮັດໃຫ້ພົບຄວາມຈິງທີ່ໂຫດຮ້າຍ

.........................

ການບອກຮັກ ອາດຈະເຮັດໃຫ້ຂ້ອຍ ບໍ່ເຫລືອໃຜ

.........................

ການບອກຮັກ ອາດຈະເປັນຈຸດເລີ່ມຕົ້ນຂອງຄວາມເຫງົາ

.........................

ການບອກຮັກ ສຸດທ້າຍກໍ່ຈະຈົບລົງດ້ວຍຄວາມເສົ້າ

10 ການກະທຳຂອງການນອກໃຈ

1. ເວລາຊວນໄປໃສມາໃສ ໄປວຽກເປັນໝູ່ຫຼືວ່າໄປເບິ່ງໜັງຫຼືໄປຟັງເພງຈະມີຄຳເວົ້າວ່າບໍ່ວ່າງ.ຄາເຮັດວຽກແລະອື່ນໆຫຼາຍຂຶ້ນ

2. ເຫັນໜ້າກັນຍາມໃດເລີ່ມມີການສະແດງທ່າທີ່ເສີຍຊາຂື້ນເລື້ອຍໆຫຼືບໍ່ຊັ້ນກະຫງຸດຫງິດໄປໝົດທຸກເລື່ອງໂດຍສະເພາະເລື່ອງກຽ່ວກັບເຮົາ

3. ໂທໄປຍາມໃດກະປິດເຄື່ອງອ້າງແຕ່ວ່າແບ໋ດໝົດຕະຫຼອດ ຫຼື ບໍ່ຊັ້ນກະຊົ່ວຊິຮັບກະບັກດົນໆ ແລະ ຄຳຖາມທຳອິດທີ່ຖາມຕອນຮັບສາຍແມ່ນໂທມາເຮັດຫຍັງມີວຽກຫຍັງ

4. ບໍ່ໄດ້ໄປໃສນຳກັນດົນເກີນກວ່າ2ອາທິດໂດຍທີ່ບໍ່ໄດ້ສະບາຍຫຼືຕິດວຽກທີ່ສຳຄັນຢ່າງໃດເລີຍ

5. ເລີ່ມເວົ້າບໍ່ມ່ວນ.ບໍ່ໃຫ້ກຽດກັນ ຫຼື ເວົ້າສິ່ງທີ່ບໍ່ດີໄປຫາຄອບຄົວ

6. ຢູ່ຊື່ໆກະຢາກປຽ່ນແປງຕົນເອງເລີ່ມເຮັດງາມເຮັດຫຼໍ່ເກີນປົກກະຕິທັ້ງໆທີ່ຕອນຄົບກັບເຮົາບໍ່ເຄີຍປຽ່ນແປງຫຍັງເລີຍ

7. ຍາມທີ່ເຮົາຢາກໄດ້ກຳລັງໃຈຫຼືມີຂໍ້ຜິດພາດເລັກໆນອ້ຍໆເກີດຂື້ນແທນທີ່ຈະມີຄຳປອບໃຈຫຼືໃຫ້ກຳລັງໃຈຫຼືເປັນທີ່ປຶກສາກັບມີແຕ່ຄຳເວົ້າທີ່ຊຳ້ເຕີມ

8. ຜິດສັນຍາຕະຫລອດ

9. ເບິ່ງຄືວ່າອີກຝ່າຍຈະລືມໄປແລ້ວວ່າຄຳຂໍໂທດ...ສະກົດແນວໃດ

10. ເມື່ອເຈົ້າຫຼືເຂົາມີຄຳເວົ້າວ່າ...ດີເກີນໄປ

10 ຂັ້ນຕອນວິທີແກ້ອົກຫັກ

1.ນັ່ງຕະລຶງ.ຕາຄ້າງ.ຫາຍໃຈແວ໊ບ.ໂລກໝຸນຕິ້ວໆຫລັງຈາກຮັບຮູ້ຂ່າວຮ້າຍ

2.ເຮັດຄວາມເຂົ້າໃຈກັບເຫດການ

3.ຍອມຮັບວ່າມັນເກີດຂຶ້ນແລ້ວ

4.ພະຍາຍາມແກ້ໄຂເຫດການໃຫ້ມັນດີຂຶ້ນ

5.ຖ້າແກ້ໄຂບໍ່ໄດ້ກໍ່ຕອ້ງຍອມຮັບວ່າມັນເປັນຄວາມຈິງ

6.ທຳໃຈ.....ເປັນຂັ້ນຕອນທີ່ເຮັດບໍ່ຍາກຖ້າຜ່ານ5ຂໍ້ມາໄດ້ແລ້ວ

7.ຂອບໃຈສຳລັບຄວາມສຸກໃນຊວ່ງເວລາທີ່ຜ່ານມາ

8.ລືມມັນຊະ

9.ເປັນຄົນໃໝ່

10.ຫາຄວາມຮັກຕໍ່ໄປalt

ສູ້ໆສຳຫລັບຄົນທີ່ອົກຫັກ